一開始已經打算搵設計師一手包辦埋裝修，比較過其他公司，似乎尼一間比較明白我想要的設計風格，選料亦無需出旺角，所以挭左佢。 之後傾設計，heiman 同John 都好肯接受我個人要求，而有啲地方佢地都會好清楚解釋不同設計利弊俾我聽，回想返都覺得無做錯決定。 例如空間設計，我希望邊個留多啲空間，邊個位做大啲個櫃，佢地都聽完我個要求之後再幫我諗下用咩尺寸比較好睇兼備實用。 去到施工階段師傅手勢出黎既效果我都好滿意，同時heiman 同John 都會係適當地方做啲微調，例如窗台床個高度加返一級方便上落，浴室鋪磚細節點鋪會靚啲之類，電制數量加返啲之前miss 左既位置等等。 工期基本上都好準，不過會比搵一般裝修公司報個日子長少少，但其實都算係好合理既時間。 最後完工需要執漏的地方都算好少。

之前都係睇電視睇到deco farmer studio做過嘅項目，就搵咗佢哋設計。喺成個過程裏面都感受到設計師Heiman嘅細心，佢能夠將我哋生活上嘅需要放入設計上，又同時提出方案滿足我哋兩位唔同嘅口味喜好。裝修過程都跟進得好貼，完工後執漏都做得好好。

一開頭要搵設計公司嘅時候，我同先生比較左幾間，我哋兩個都同意將呢個重任交俾Deco Farmer Studio ，而最後都冇令我哋失望！呢間設計公司俾我哋感覺好認真，未見面之前會有幾個範疇叫我哋諗咗先，主要係關於屋企人嘅生活習慣，而家已有東西同將來會添置嘅家具，同埋鍾情邊種風格等細節。到真正見面時候，令我哋嘅討論更加有方向，我想講設計師Heiman真係好正，好快已經知道我哋大概想要啲咩，仲提供幾個設計俾我哋揀，將我哋本來漫無目的嘅諗法慢慢收窄，逐漸實現我哋未來嘅家，仲要我同先生兩個門外漢中間勁多問題，但係Heiman都好耐心解決我哋嘅疑問。 另外，阿忠同賢仔嘅幫忙更加不在話下，冇咗佢哋就唔會成事，每次上去傾設計，大家都有講有笑，成哥設計嘅過程都好融洽，而且會有材料嘅實物同樣板俾我哋參考，最令人驚嘆嘅係設計圖同最後製成品真係有起碼九成幾相似，我自己都差啲分唔出邊個真邊個假。 喺施工嘅過程中，Heiman同阿忠都會親力親為，監察師傅嘅進度，我同先生都可以專心我哋繁忙嘅工作，放心交俾佢哋。講到呢度，大家可能覺得設計裝修公司膠咗貨就算數，咁你就錯啦！搬咗入嚟新屋已經差唔多五個月，一遇到咩奇難雜症，佢哋都會一一處理所有問題，仲會比佢哋嘅專業建議俾我哋，所以我哋已經由客戶嘅關係升華到朋友，真係好彩當初揀咗Deco Farmer Studio，完全冇後悔。我哋每個招呼嘅朋友，上到嚟都異口同聲覺得我哋嘅安樂窩感覺好舒服，真係令人開心！ 如果你呢一刻都諗緊搵邊間設計公司幫手裝修，我一定會推介Heiman嘅團隊，絕對唔會令你失望，甚至有驚喜同突破。