偶然在報章上看到Deco Farmer的作品，再上他們的網頁仔細看看，感受到他們的才華與認真的態度，於是相約他們傾傾新居的設計。交流的氣氛很好，設計師Heiman很踏實，細心了解我和太太的需要、品味、預算和期望。雖然我們不曉得很具體地表達真正想要的東西，只是籠統地講了一些like and dislike，但Heiman也能轉化爲一些可行的方案選項。 工程進行期間，有不少要細節要決定，Heiman都樂意一一跟進，對於有選擇困難和完美主義的我，也願意給予空間多作考慮，同時施工進度和預算也能保持，這一點是特別難得的。在工程期間的幾個月裡，溝通是暢順的，回覆查詢也快捷，可說是合作無間，他的團隊（阿忠和Brian）也很helpful。工程遇到的技術性問題、工程的加減和小更改也很專業地解決了。 入伙了半年多，有些要執漏的地方也很快跟進了。現在新居住得很舒服，每早起來和放工回家都仍有眼前一亮的感覺，朋友到訪時也分享到我們的滿足。感恩我們做了正確的決定。

今次都係經網上找到Deco Farmer Studio，因為他們的設計風格正合本人心水，所以搵Heiman幫手。從設計開始，Heiman 及拍檔彥仔都好耐心聆聽，並且提供專業意見，雖然本人按個人意願作多次修改，但Heiman 和彥仔都十分有耐性地配合。至於工程方面，無論工程進度，工程遇到的種種問題，Heiman 都交帶得非常清楚及提出專業的解決方案。至於收樓當日，簡直令我眼前一亮，由一間住了廿多年的裝修簡陋嘅單位變成一間溫暖有格調的安樂窩，他們的裝修團隊都好細心，手工都好細緻，出來的成品我十分滿意。今次的裝修經歷，我好多謝Heiman 及他的拍檔彥仔同Brian。祝你們工作愉快！

一次愉快嘅合作經驗 分享比大家聽我地同Deco Farmer愉快嘅合作經驗，文比較長，希望可以比到大家做參考。🥳 我同先生首次上車，由於買嘅係新樓，唔想郁廚廁原有裝修，本身家人都勸我地訂造傢俬就算，平又平D，仲可以快D入住咁話。但依家諗番都覺得好好彩當時決定搵室內設計公司，更好彩搵到Deco Farmer團隊，令我地今日可以住得咁舒服。 當初吸引到我地搵Deco Farmer嘅原因，係因為我地睇過佢地嘅videos，見佢地都有做過一D project，風格相當接近我地想要嘅嘢。 關於裝修，我同先生主要嘅要求係： 1/ 擔心屋企唔夠光，所以屋內所有位置都希望會有足夠光源； 2/ 希望新裝修可以同原有廚廁裝修有一體感； 3/ 想要合理儲物量，但又唔想空間睇落太壓迫； 4/ 裝修風格想要簡約清新，色系以自然為主(例如白、黑/啡、木色等)（由於口述怕會有誤會，我同先生交出咗一系列接近我地諗法嘅相）； 5/ 希望屋企易清潔易打理，唔好有「鬼鼠位」，所有位置都做好收口/唧膠。 所以個陣時約Heiman見面開會，我地問咗Heiman好多問題，有關於風格嘅問題，都有關於物料、燈光、傢俱擺位、地台等等嘅問題咁。我地嘅問題都無考起Heiman，佢好仔細咁說明咗好多基本知識，並且問咗我地平時喺屋企會做咩活動，有無特別需求咁（例如大型樂器收納之類）。我地見Heiman present得清楚又合理，睇得出佢好有經驗，設計風格又岩心水，而且最重要嘅係感覺到佢會真心去了解我地嘅需求，我同先生都好放心，就決定交比佢地處理。 我地3D圖都改咗幾次，Heiman一路比咗好多專業意見比我地，例如喺櫃嘅配色同設計上面都幫咗我地決定咗一個合適嘅大方向。每當我地有疑問，Heiman都會清楚解釋到我地明白晒為止，我地都好欣賞佢好耐心同我地溝通。後尾訂傢俬（梳化、餐台＋櫈）、燈具甚至窗簾，仲有其他小配件（例如掛勾）嘅時候，Heiman都全程跟到足，精挑細選source咗D好靚嘅option比我地，非常細心。 成個工程期間，Heiman同Brian由頭到尾幫我地manage晒成個project，十分有交帶，同時覆whatsapp都覆得好快，同好有耐心解答我地既問題。個期我先生番工特別忙成日OT，我又唔太識裝修嘅野點睇，真係好好彩所有野都有Heiman佢地幫我地跟，如果唔係下下要自己跟到足，都要花好多時間心力。 依家呢個時勢，多少都難預裝修期幾時可以完，個時當我地D櫃已經訂造好咗，又撞中封城影響陸路運輸，為咗預岩搬屋時間，我都地好緊張keep住同Heiman溝通，好感激佢盡力幫我地安排，令工程不致延誤，而且最後都係清潔得乾淨企理先交番比我地。入住之後，Heiman同Brian都好負責任幫我地執修D細位。 當初我地做research嘅時候，有喺Google搵過D裝修公司/室內設計公司黑名單，睇過好多工程延期/爛尾，或者收番間屋嘅時候覺得貨不對板嘅慘案，老實講本身都好怕會唔小心中伏，慶幸第一次搵室內設計公司就搵到間負責任嘅公司，覺得成個體驗都滿意既👍。 間屋做到出嚟都符合我地當初既要求，尤其幫我地解決咗我地一直擔心既燈光不足既問題。 下面附我地裝修後嘅相，比大家參考下✨。 最後，想再一次多謝Deco Farmer團隊，特別係Heiman同Brian，你地真係跟得好足，幫咗我地好多！衷心祝福你地生意興隆，事事順利🌹 我地會繼續關注你地嘅發展，以後有機會嘅話一定會再搵你地合作！加油呀！