多謝Deco Farmer 團隊, 很愉快的合作 設計師完全明白客人所需, 對每一個細節都盡心盡力幫我省時省力, 由傾談風格到每個項目進行, 色彩配搭, 傢俱手工, 牆身設計等等整個流程也很順暢. 在整個過程中遇到很多細微煩惱事情也一一解決. 再次感激你們專業的服務.

由開始設計到新居落成，欣賞及感謝deco farmer的用心跟進，讓我們能安心居住😇 👍🏻按我們的喜好和意願去構思和修正設計圖，不嫌幾煩地改到心水為止，最緊要擴展了空間感和儲藏地方 👍🏻報價清晰，符合開始傾談時的預算 👍🏻裝修進度良好，過程能放心讓設計師統籌和監管，遇上小問題時會和我們商討和解決，預期時間內交樓 👍🏻完工後合乎當初心水的簡約風格，用料良好，令舊樓完全煥然一新！ 👍🏻入住2個月沒問題，易於清潔、整理和保養，非常舒服 👉🏻結論：100%滿意設計和施工，推薦deco farmer❤️❤️❤️

人生第一次裝修 - 響網上research 左一輪之後，shortlist 左幾個designers見面： 有d比較chur，一坐低就畫個草圖比你，唔會問我哋嘅諗法；有d就有成個團隊，但係價錢就相當貴；同Heiman 佢哋第一次見面之後就覺得「係佢哋喇！」因為大家嘅諗法都接近，同埋亦都感覺到佢哋對呢件事有熱誠，唔係話求其交貨嗰隻，價錢亦都合理。 響傾design 嘅時候，John 同Heiman 都get 到我哋嘅要求，亦都有提出一啲得意嘅design: 例如分隔客廳用磚砌嘅半高牆，基本上個design 差唔多一take 過攪掂，符合我哋心目中嘅要求，冇乜野改。 到裝修嘅時候，因為聽過太多爛尾、手工差嘅故事，係有少少擔心。但係好快發現擔心係多餘嘅，每次上去睇都好放心，到最後準時交貨（係清潔完，做埋甲醛，所有傢俬電器裝好晒嘅condition) ，我哋係相當之impressed 成個過程對第一次裝修嘅我哋係幾輕鬆嘅，因為Deco Farmer 基本上係幫我哋project manage 成件事，大大減輕咗我哋嘅壓力，同埋慳咗時間。響揀傢俬電器嘅時候我哋都可以問佢哋意見，確保出嚟嘅效果會襯返個design。 之後有少少執修但係小問題，Heiman 同 John 亦都好幫手幫我哋襯埋d畫，整到間屋好似畫廊咁靚。 好慶幸可以搵到Deco Farmer，多謝佢哋實現左我哋嘅諗法，整咗咁靚嘅屋企比我哋！ Thank you so much!